Reperi i ri Mozzik ka postuar një fotografi në Instagram së bashku me një arush të vogël të cilin e mban të lidhur. Mirëpo ndonëse kjo ka qënë thjesht një foto për qejf apo një foto që mund të jetë shkrepur nga xhirimi i ndonjë klipi të ri, nuk është pritur aspak mirë nga Shoqata e Kafshëve ‘Arsalbania’, të cilët në faqen zyrtare në Instagram kanë ri-shpërndarë foton e Mozzik duke shkruar edhe disa fjalë të ashpra ndaj tij.
“Të thyhet zemra të shohësh këtë foto nga një personazh public si këngëtari në fjalë. Ndërkohë që përpiqemi të shpëtojmë arinjtë e të edukojmë popullatën për ta, e kafshët e keqtrajtuara në këtë vend, na del kjo foto përpara që skemi se si ta injorojmë. Lutemi arushi i vogël të jetë mirë. I dashur këngëtar, ndërkohë që ti bën foto Instagrami me të e argëtohesh, ai është më i stresuar se kurrë. Është qenie me ndjenja si ty dhe ne. Boll më me abuzim ndaj tyre BOLL! Presim edukim nga figurat publike jo këto shembuj. TURP!” – kanë shkruar ata .
Për një veprim të tillë nuk ka reaguar vetëm Shoqata e Kafshëve por dhe ndjeksit e tij të shumtë nuk e kanë pëlqyer aspak këtë veprim.
(S.SH/SHUPLAKA)
