Është shoqëruar në Polici gruaja dhe vëllai i Admir Muratajt, i cili mbeti i vrarë në Rinas, gjatë përplasjes me policinë, pasi u përfshi në grabitjen e rreth 10 milionë eurove.
Vëllai i Admirit është shprehur se derimë tani Policia nuk i ka konfirmuar se kush është viktima e Rinasit.
“Zyrtarisht nuk dimë gjë për vëllanë, policia nuk na ka thënë asgjë. Familja jonë po merr ngushëllime, kërkoj të di nëse është Admiri”, është shprehur i vëllai i Muratajt.
Kujtojmë se
Murataj ka qenë ende në kërkim për organizimin e dy grabitjeve të bujshme atë të në Qafë-Kashar pranë Rinasit dhe grabitjen e një banke te ‘Stacioni i Trenit’ në Tiranë, ku kanë qenë të përfshirë edhe disa ish-Komando të ushtrisë shqiptare.
Admir Murataj ishte personi i vetëm që ka qenë në kërkim për grabitjet e mëhershme, ndërsa në burg gjendet dhe vëllai i tij Aleksandër Murataj.
Zbulimi i serisë së autorësisë së grabitjeve ku implikohej dhe Murataj u bë në shkurt të 2017, ku policia dhe Prokuroria arrestuan anëtarët e bandës, të cilëve iu gjetën edhe një pjesë të shumave të vjedhura.
Kujtojmë se për bashkëpunëtorët në grabitjet e mëparshme të Muratajt, Prokuroria kishte dhënë pretencën në muajin Janar të këtij viti.
Prokurori i çështjes kërkoi 20 vite burg për Dash Kupën dhe Neim Avdylin; 19 vite për Ernest Kupën; 16 vite burg për Fatjon Xhyliun, Dritan Sinanajn dhe Aleksandër Muratajn; si dhe 5 vite e 8 muaj burgim për Ditjon Memlikën dhe Admir Çerpjen.
Admir Murataj rezulton të jetë arratisur nga burgu i Trikallës në 2013 bashkë me grupin e Ilir Kupës. Ai vuante dënimin për grabitjen e një banke në Larisa të Greqisë. Ai është shoqëruar në polici kur u arrestua grupi, por u la i lirë për mungesë provash.
(E.K/FAXWEB.AL)
