Shorti për KED/LSI kundër: Procesi është i pavlefshëm ligjërisht, cënon Reformën në Drejtësi

Pas PD-së edhe LSI ka dalë kundër procesit shortit për 9 anëtarët e Këshillit të Emërimeve në Drejtësi, (KED).

Kreu i grupit parlamentar të LIS, Petrit Vasili i ka dërguar një letër kreut të Kuvendit, Gramoz Ruci, ku shprehet se procesi është i pavlefshëm ligjërisht, pasi duhet të bazohet në kriteret ligjore.

“Kjo iniciativë  cënon reformën në Drejtësi dhe popullin. Nuk mund të bëhemi pjesë e një procesi anti-ligjor. “, është shprehur Vasili.

Sjellim në vëmendje që ditën e nesërme më 7 dhjetor pritet të hidhet shorti për të zgjedhur anëtarët e Këshillit të Emërimeve në Drejtësi.

Sot janë publikuar emrat e kandidatëve nga institucionet kryesore të drejtësisë, Gjykata e lartë, Gjykata Kushtetuese, Gjykata e Apelit dhe Gjykata Administrative si dhe Prokuroria.
Kjo është lista e plotë e kandidatëve, mes tyre emra të njohur dhe me përvojë në drejtësi. Kryetari i Kuvendit Gramoz Ruçi autorizoi zv.kryetaren Vasilika Hysi për të hedhur shortin duke qënë se dje ai u nis drejt SHBA-ve, për të marrë pjesë në një samit të rëndësishëm.

(J.V/Faxweb)