Përmes një deklarate nga selia e LSI-së, nënkryetari Petrit Vasili ka propozuar 7 masa që duhet të ndërmarrë qeveria, pas situatës me koronavirusin në vendin tonë. Mes të tjerave Vasili ka kërkuar dhe shpalljen e gjendjes së jashtëzakonshme.
Mes masave që propozon LSI-ja janë dhe ato për heqjen e taksave për të gjitha familjet dhe bizneset, si dhe garantimi i pagesës me 80% të pagës, për të gjithë ata që iu është mbyllur puna.
“Shteti në çdo lloj situate funksionon me ligje, rregulla dhe kushtetutë. Detyrimi i shpalljes së gjendjes së jashtëzakonshme është i domosdoshëm, sepse të nesërmen rekrusionet e sotme mund të jenë shkak i një abuizivizmi dhe penalizimeve pa fund.
Ne jemi këtu për të propozuar disa masa për krjimet e kushteve bazike për kalimin e kësaj pandemie, sepse ky çorganizim i organizuar duhet të marrë fund.
Masat që propozon LSI:
1-Duhet të marrë masa e heqjes së taksave për të gjitha bizneset dhe familjeve.
2-Garantim i pagesës me 80% për të gjithë personat që u janë mbyllur bizneset për shkak të futjes në karantinë. Pagesa duhet të kryhet në numrat e llogarive të të punësuarve.
3- Të përjashtohen detyrimet shëndetësore dhe shoqërore për kohën e karantinës.
4-Subvencionim për të gjithë fermerët që nuk u shiten produketet për shkak të rregullave të vendosura.
5-Subvencionim të të gjitha pagesave të papaguara të studentëve për vitin shkollor 2019-2020.
6- Shtyrja e pagesave të TVSH, jo më parë se në muajin qeshor.
7-Rimburimi i fatrave të ujit të pijshëm dhe energjisë të pensionistëve”, tha Vasili.
(E.K/Faxweb.al)
Discussion about this post