Partia Demokratike ka reaguar menjëherë pas lajmit lidhur me vendimin për shpalljen e gjendjes së fatkeqësisë natyrore nga ana e qeverisë.
PD thotë se ky vendim i qeverisë u mor 5 ditë pas kërkesës zyrtare të Kryetarit të Opozitës Lulzim Basha ndërsa thekson se masa e jashtëzakonshme tashme duhet të shoqërohet me masat e kompesimit të dëmeve.
“Akti i shpalljes së masës së jashtëzakonshme duhet plotësuar pa humbur më asnjë ditë nga Qeveria me vendimin për masat e kompensimit të dëmeve, procedurat, afatet, strukturat shtetërore përgjegjëse për vlerësimin e dëmeve, si dhe dëmet dhe subjektet që kompensohen. Sipas Kushtetutës dhe ligjeve të vendit, është detyrim i shtetit shqiptar të përgjigjet për dëmet që shkaktohen nga pasojat e një fatkeqësie”, thuhet në reagimin e PD.
(F.GJ/FAXWEB.AL)
