Vetëm një ditë më parë mbreti i Spanjës Felipe VI deklaroi se shteti duhet të garantojë rendin kushtetues përballë krerëve katalanas që pretendojnë të shpallin ilegalisht pavarësinë.
Mbreti ka theksuar se kjo përballje forcash mes qeverisë qendrore dhe krerëve katalanas, që kërcënojnë se do të deklarojnë pavarësinë, ka futur Spanjën në një prej krizave të saj më të rënda që prej rikthimit të demokracisë në këtë vend në vitin 1977.
“Me sjelljen e tyre të papërgjegjshme, ata mund të vendosin në rrezik stabilitetin e Katalonjës dhe të të gjithë Spanjës. Përballë kësaj, është përgjegjësia e pushteteve legjitime të shtetit që të garantojnë rendin kushtetues dhe funksionimin normal të institucioneve, respektimin e shtetit të së brejtës dhe autonominë e Katalonjës. Sipas nenit 155 të Kushtetutës, asnjëherë i përdorur, qeveria mund të detyrojë një rajon të respektojë detyrimet e tij kushtetuese nëse ai shkel ose dëmton rëndë interesat e përgjithshme të shtetit”, tha mbreti i Spanjës. (J.V/Shuplaka)
