Shpallja e testit për Komisar të pavlefshëm nga Veliu, oficerët e çojnë në gjykatë

Oficerët të cilët konkurruan për gradën Komisar kanë çuar në gjykata urdhrin i cili shpalli këtë konkurim të pavlefshëm me pretendimin se ishte kopjuar. Përveç anulimit të urdhrit kërkojnë edhe anulimin e rezultatit të këtij testi.

Në datën 7 nëntor rreth 400 oficerë policie konkurruan për 130 pozicione vakante për gradën Komisar.Konkurrentët iu nënshtruan një testi quiz me alternativa, të cilat korrigjoheshin brenda ditës.

Nga kontrolli i testit rezultoi se 177 kandidate kishin marrë më shumë se 70 pikë, duke u shpallur kështu fitues.

Ky test u  shpall i pavlefshëm, pas ankesave të shumta të disa prej konkurrentëve.

Ishte Drejtori i Përgjithshëm i Policisë, Ardi Veliu, ai që e shpalli këtë konkurrim të pavlefshëm, me pretenddimin se teza e zgjidhur e testit ishte vjedhur dhe ishte marrë nga aplikantët para nisjes se konkurrimit.

Shpalaje këtij testi të pablefshëm shkaktoi debat në opinion dhe nuk munguan dhe akuzat se e gjitha kjo u bë për shkaki se nuk kishin fituar ata që ishte paravendosur të fitoni dhe jo se kishte pasur kopje.(B.H/Faxweb)