Pas arrestimit të Ramush Haradinajt, ka reaguar kryetari i komunës së Prishtinës dhe zyrtar i Lëvizjes Vetvendosja, Shpend Ahmeti.
Nëpërmjet një shkrimi në rrjetet sociale, Ahmeti shprehet se arrestimi në Francë i kreut të AKK-së ka ardhur si rezultat i negociatave me Serbinë.
“Normalizimi i marrëdhënieve i udhëhequr me aq zell nga Thaci e Mustafa dhe kryenegociatorja sjellin arrestime si kjo e Ramush Haradinaj sot. A duhet me shku në çdo shtet, me u arrestu për me i hjek “poternicat” e Serbise për çdo luftëtar që Serbia don me lujt e me përdor si kartë për me marr diçka prej neve? Kur do të mbushemi mend që s’ka normalizim me marrëdhënie nënshtrimi ndaj askujt”, shkruan Ahmeti.
Haradinaj u ndalua sot nga policia në aeroportin ndërkombëtar “Basel-Mulhouse”. Kjo për shkak të një aktakuze të lëshuar nga Serbia të vitit 2004. (D.D/Shuplaka)
