Organizata e armatosur baske Eta ka kërkuar falje nga viktimat e saj të konfliktit dekadësh për pavarësi, vetëm disa ditë para njoftimit për shpërbërje. Grupi kërkoi falje për vrasjen e personave që nuk kanë patur lidhje direkte me konfliktin.
Qeveria spanjolle tha se Eta u mund politikisht dhe në mënyrë operative dhe se nuk arriti ndonjë nga qëllimet e saj.
Eta vrau 800 vetë dhe plagosi mijëra të tjerë në 40 vite konflikt.
Organizata, e cila zhvilloi një fushatë gjakatare për pavarësi të shtatë rajoneve në veri të Spanjës dhe jug-perëndim të Francës, pritet të deklarojë shpërbërjen e saj në fillim të muajit tjetër.
Eta fillimisht u krijua në vitet ’60 si një lëvizje e rezistencës studentore kundër diktaturës ushtarake të Gen Franco-s.
Nën pushtetin e Franco-s, gjuha baske u ndalua dhe kultura e tyre u shtyp, intelektualët u burgosën dhe torturuan për besimet e tyre politike dhe kulturore.
Vdekja e Gen Franco-s, më 1975-n dhe tranzicioni për në demokraci solli dy milionë njerëz të rajonit në shtëpitë e tyre.
Shumë prej tyre të cilët u vranë, ishin anëtarë të forcave policore spanjolle, apo siç njiheshin ndryshe, Guardia Civil dhe politikanë të cilët ishin kundër kërkesave të separatistëve të Eta-s.
(M.Q/Faxweb)
