Dy francez dhe tri shqiptar janë akuzuar për trafikimin e emigrantëve të paligjshm nga Shqipëria për në Britani. Konretisht kontrabandistët u merrnin nga 6 000 euro (5 000 paund), për kalimin në Britani nëpërmjet portit të Roscoff në departamentin francez administrativ të Finistère, Brittany. Për të mos rënë në sy kishin zgjedhur një mënyrë e cila rezultonte shumë efikase. I fusnin emigrantët në bagazhin e automjeteve dhe më pas “futeshin në zonat me fluks të larta trafiku në Rscoff”. Policia nisi dyshimet në momentin kur trafikantët filluan të përdorinin automjete të mëdha.
Tri emigrantë shqiptarë, një grua dhe dy burra, janë gjetur prapa mobiljeve për pjesën e pasme të furgonit të marrë me qira. Një 39-vjeçar, rezident në Finistère u ndalua nga policia portale të hipte në traget për në Britani. Një 43-vjeçar nga Finistérien, u arrestua pas kthimit nga Britania, ç’ka çoi më pas edhe në arrestimin e tri shqiptarëve, të moshës 19, 20 dhe 25 vjeç. Të tri janë të njohur për dhunë, vjedhje dhe posedime të armëve. Dy prej tyre ishin me qëndrim të paligjshëm, ndërsa i treti kishte bërë kërkesë për azil. Në një raport të France Beut, thuhet se rrethi i kontrabandistëve u shpërbë këtë javë, pasi policia kishte vënë nën vëzhgimin një organizim të “mirë” të rrjetit nga fundi i shtatorit.
