Shpërblimi i mjekëve/ “Po ikën virusi dhe nuk do t’ju japi paratë”, Vasili deklarata të forta ndaj Ramës: Ja si po i përçan (VIDEO)

Ish-ministri Petrit Vasili ka reaguar në lidhje me debatin që është hapur për shpërblimin e mjekëve dhe anëtarëve të tjerë të stafit mjekësor, duke thënë se kryeministri Edi Rama po mundohet të përçajë bluzat e bardha.

Vasili tha se po i përçan për të mos dhënë paratë, ndërsa shtoi se mendon që situata me koronavirusin është drejt përmirësimit.

Zyrtari i LSI-së i ka bërë deklaratat e tij përmes një videoje të postuar në rrjetet sociale përkrah të cilës hskruan:

“Kryeminister turp, qe perçan shendetesine shqiptare se nuk do te paguash shperblimin! Kryeminister turp qe ju ha djersen dhe ju mohon shperblimin mjekeve dhe infermiereve, qe po perballen me pandemine ane e mbane vendit! Kryeminister turp qe i genjeve dhe ju kursen mjekeve shperblimin dhe nderkohe nuk kursen miliarda per koncesionet dhe oligarket!”, skruan Vasili, ndërkohë që ndër të tjera në reagimin me qytetarët ai thotë:

“Sot e gjithë shëndetësia dhe personeli shëndetësor u vu nën atakun e kryeministrit për shkak të pabesisë, manisë për të gënjyer njerëzit në çdo moment, u tërhoq sot nga premtimi i tij për të shpërblyer mjekët dhe infermierët duke iu mbyllur gojën.

A e di kryeministri se vetëm personeli shëndetësor nuk është karantinuar asnjë ditë të vemte?

A e di kryeministri se secili prej tyre është i rrezikuar nga infektimi me koronavirusi?

A e di kryeministri se edhe punonjësit e spitaleve të tjera janë njëlloj të rrezikuar?

A e di kryeministri se i gjithë sistemi mjekësor është në alert maksimal kur bëhet fjalë për pandemi?

Kush është ky kryeministër që ndan vijën e zjarrit nga të tjera të parëndësishme? 

Kush është ky kryeministër që mundohet të përçajë bluzat e bardha? 

Të bëhet më në fund njeri i ndershëm, mendon se është duke dalë nga pandemia dhe bën presionin që të mos paguajë paratë. Mos i paguaj por mos i përçaj mjekët. E kanë parë se si janë grabitur miliona me koncesione. Mos i përçaj, është kriminale, ushtria që po lufton janë ata, ti komandant po i parçan e bën copa-copa. Vija e zjarrit është atje ku është kontakti i parë me të sëmurin. E gjithë shëndetësia është në vijën e zjarrit.”, tha Vasili

(F.GJ/FAXWEB.AL)