Dy ditë më parë, Këshilli i Ministrave bëri me dije se 643 mijë pensionistë do të marrin shpërblim me rastin e festave të fundvitit. Shifra prej 6 mijë lekësh do të jetë e njëjtë për secilin prej pensionistëve. Ky është fondi më i madh që qeveria ka vënë në dispozicion të kësaj kategorie me rastin e festave.
Lidhur me shpërndarjen e tij, drejtori i Përgjithshëm i Postës Shqiptare, Majlind Lazimi, ka bërë me dije për se pensionistët mund ta tërheqin shpërblimin e tyre në zyrat e Postës ku tërheqin muaj për muaj pensionin. Sipas tij, pritet që shpërndarja të mbyllet shumë shpejt, duke qenë se edhe vendimi i qeverisë është marrë më herët se vitin e kaluar.
“Nëse do të kemi vendimin e zbardhur, besoj brenda javës do të kemi edhe ne një kalendar. Vitin e kaluar ne punuam edhe në datën 31 dhjetor, kështu që këtë vit do kemi mundësi ta mbyllim shpërndarjen shumë më herët. Ndërkaq, nëse supozojmë se javën që vjen do të nisë shpërndarja, besoj se do e mbyllim brenda dhjetorit. Megjithatë, do e lëmë të hapur edhe opsionin që pensionistët ta marrin në janar, në mënyrë që të mos iu “digjet” në rast se nuk kanë mundësi ta tërheqin brenda dhjetorit”, – ka bërë me dije Lazimi.
Discussion about this post