Në kuadër të aksionit kundër paligjshmërisë, Policia e Dibrës ka nisur procedimin penal ndaj shtetasit DH. M. me detyrë inspektor në Drejtorinë Rajonale të Sigurimeve Shoqërore në Dibër.
Procedimi penal ndaj tij ka nisur pas dyshimeve se inspektori në fjalë nuk ka bërë verifikimin e dokumenteve për dy shtetas që akuzohen se kanë mashtruar në Sigurimet Shoqërore duke faslifikuar dokumentet për vjetërsinë e punës.
“Në vijim të punës për goditjen e paligjshmërisë Specialistët për Hetimin e Krimit Ekonomik e Financiar në D.V.P.Dibër kanë referuar materialet hetimore në Prokurorinë e Rrethit Gjyqësor Dibër, për shtetasen N.Xh , banuese në Dibër, pasi ka falsifikuar dokumentet zyrtare dhe ka mashtruar në Sigurimet Shoqërore, duke paraqitur të dhëna të rreme për sa i përket vjetërsisë në punë. Vepër penale kjo e parashikuar nga nenet 145 e 190 të Kodit Penal.
Në vijim të veprimeve u referuan materialet hetimore në Prokurorinë e Rrethit Gjyqësor Dibër, për shtetasen A.K, banuese në Dibër pasi ka falsifikuar dokumentet zyrtare dhe ka mashtruar në Sigurimet Shoqërore, duke paraqitur të dhëna të rreme për sa i përket vjetërsisë në punë.
Po në vijim të veprimeve , në lidhje me këto vepra penale të kryera nga shtetasja N.Xh, dhe A.K, u referuan materialet hetimore në Prokurori, për shtetasen Dh.K. banuese në Tiranë, me detyrë, Inspektore në D.R.S.Sh, Dibër, sepse nuk ka berë verifikimin e të dhënave . Vepër penale kjo e parashikuar nga neni 248 i Kodit Penal.”, citohet në njoftimin e policisë. (XH.A/SHUPLAKA)
