Dy persona janë vënë në prangat e policisë në kryeqytet, teksa u kapën në flagrancë duke trafikuar lëndë narkotike.
Mësohet se dy të ndaluarit, të identifikuar si Mariglen Abedini, 32 vjeç dhe Francesko Qafoku, 33 vjeç. trafikonin lëndë narkotike të llojeve heroinë, kokainë dhe kanabis.
Gjatë kontrollit të ushtruar, atyre iu gjetën dhe sekuestruan 50 doza heroine, 12 gr kanabis, 0.6 gram kokaine si dhe 13 kokrra metadon.
Policia po vijon hetimin për zbardhjen e personave të tjerë të mundshëm, të përfshirë në këtë trafik droge.
