Shpërndanin pako me ushqime në emër të Tom Doshit, shoqërohen në Policinë e Shkodrës dy persona.
Ashtu siç lajmëroi dje më parë “Shuplaka” në Shkodër në emër të Tom Doshit po shpërndaheshin për banorët pako me ushqime.
Ndërkohë që dy përfaqësues të PSD-së janë shoqëruar në Polcinë e këtin qyteti.
NJOFTIMI:
Shkodër Ne datë 23.06.2017, rreth orës 15:30 është marrë informacion se në Lagjen “Liria” Shkodër, tek një zyre elektorale, po behej shperndarje pakosh me ushqime në këmbim të blerjes së votave. Shërbimet e Drejtorisë Vendore të Policisë Shkodër shkuan ne vendin e cituar.
Nga kqyrja e zyrës elektorale u konstatuan rreth 70 pako në qese plastmasi, me artikuj ushqimor. Ato po shpërndaheshin nga Kryetari lokal i një subjekti politik, shtetasi P.Rr. 49 vjeç, banues ne Shkodër, si dhe shtetasi S.Gj, 29 vjeç, lindur në Tropojë dhe banues në lagjen “Skënderbeg” Shkodër.
Në polici ata deklaruan se pakot me ushqime po i shpërndanin për shtresat në nevojë, me rastin e festës së Bajramit. Materjalet në ngarkim të këtyre shtetasve do t’i referohen Prokurorisë së Rrethit Gjyqësor Shkodër, për veprën penale të “Korrupsioni aktiv në zgjedhje”, parashikuar nga neni 328 i Kodit Penal.
(E.K/SHUPLAKA)
