Policia e Beratit ka vënë në pranga një 31-vjeçar pasi iu gjet një kilogram drogë në banesën e tij.
Mësohet se 31- vjeçari me iniciale N. GJ., është banues në lagjen “Çlirimi” të qytetit të Beratit.
Sipas policisë 31-vjeçari shpërndante drogë me doza të vogla, arrestimi i tij erdhi pas mbledhjes së informacioneve në rrugë operative në kuadër të operacionit “Vëzhgimi”.
Njoftimi i policisë:
Berat
Finalizohet me sukses operacioni policor i koduar “Vëzhgimi”.
Goditet një tjetër rast i shpërndarjes së lëndëve narkotike në doza të vogla
Sekuestrohet 1 kilogramë lëndë narkotike e dyshuar Cannabis Sattiva.
Arrestohet në flagrancë 1 shtetas.
Nga Specialistët e Seksionit Kundër Narkotikëve në DVP Berat, mbi bazën e një pune të mirëfilltë operative policore disa ditore, si dhe pasi janë grumbulluar informacione në lidhje me një shtetas i cili shpërndante lëndë narkotike në doza të vogla në lagjen “Çlirim”, u finalizua me sukses operacioni policor “Vëzhgimi”, ku u kap dhe u arrestua në flagrancë shtetasi:
N.GJ., 31 vjeç, banues në lagjen “Çlirim”.
Kapja dhe arrestimi i tij u bë pasi nga kontrolli i ushtruar në banesën e tij ju gjet dhe sekuestrua një sasi prej 1 kilogramë lëndë narkotike të dyshuar Cannabis Sattiva, e ndarë në doza e sasi të vogla gati për shitje .
Materialet proceduriale i kaluan Prokurorisë pranë Gjykatës së Shkallës së Parë Berat, për veprën penale “Prodhimi dhe shitja e lëndëve narkotikëve” 283/2 të Kodit Penal.
