Një 35-vjeçar është arrestuar nga policia në kryeqytet pasi akuzohet për shitje të lëndëve narkotike. Sipas policisë mësohet se shtetasi identifikuar si Erdi Shima, është vënë në prangat e policisë në Tiranë pasi shperndante lëndë narkotike kokainë në zona të ndryshme të kryeqytetit.
Gjithashtu në kuadër të operacionit policor të koduar Next është proceduar penalisht edhe pasagjeri në makinën e 35 vjeçarit për moskallëzim krimi, i cili bashkëpunonte me Shimën.
Policia ka shpërndarë pamjet e momentit të arrestimit.
Ndërkohë, gjatë kontrollit të ushtruar në automjetin me të cilin udhëtonin të dy këta shtetas, blutë gjetën një qese me lëndë narkotike kokainë me peshë 480 gram, e cila u sekuestruar në cilësinë e provës materiale së bashku me automjetin.
Gjithashtu uniformat blu vijojnë punën për zbardhjen dhe dokumentimin e plotë të kësaj ngjarje.
Discussion about this post