Me sa duket dhuna e ushtruar ndaj ish gazetares Arbana Xharra nuk u ka mjaftuar keqdashësve të saj. Pak më parë Xharra ka reaguar ashpër ndaj disa fotove që nuk dihet se nga kush janë shpërndarë, por që fyejnë ish gazetaren duke shpifur për atë dhe fëmijët e saj. Fotot përmbahnë dhe një shkrim ku thuhet se Arbana Xharra largohet nga PDK pasi nuk i’a morën djalin të luaj në një spot.
Ajo ka shpërthyer duke thënë se nuk e di se sa flliqësirë parti, grup a ideologji duhet të jesh që të sulmosh dhe fëmijët.
Xharra u ka bërë të ditur autorëve të këtyre shpifjeve se ata nuk do ta ndalin atë dhe “fillimin e ri” që të ndërtojnë një Kosovë ku fëmijët e kundërshtarëve nuk janë të rrezikuar.
SHKRIMI I PLOTË:
Nuk u mjaftova unë? Tash doni që ta pësojnë edhe fëmijët e mi? Për këtë e shpërndani këto foto duke sugjeruar se vetëm nëpërmjet eshtrave të mi dhe familjes sime do ta mundni PDK-në dhe do ta ndalni Fillimin e Ri. Sa fëlliqësirë parti, grup a ideologji duhet të jesh që t’u shpallish luftë edhe fëmijëve të kundërshtares? Sa? Ata që ju njohin tash e sa vite e dinë se kush jeni dhe çka bëni? Jo Kosovën ku edhe fëmijët e kundërshtarëve janë të rrezikuar nuk do ta bëni kurrë. Kosova është e të gjithëve e kurrë nën ndonjë diktaturë! (B.H/Shuplaka)
Discussion about this post