Gjykata ka lënë në burg, 5 të arrestuarit, si autorë të dyshuar të pengmarrjes, vrasjes dhe më pas fshehjes së trupit të 49-vjeçarit Jak Prenga, ngjarje kjo e ndodhur në 17 Janar.
Asnjëri prej të arrestuarve nuk e ka pranuar autorsinë e veprave penale në Gjykatë, dhe kanë thënë se nuk kanë pasur asnjë lidhje me ngjarjen.
- Bajram Hajri – Arrest me burg
- Leonard Hajri – Arrest me burg
- Olsi Turja – Arrest me burg
- Elton Hajri – Arrest me burg
- Festim Bixhdili – Arrest me burg
Ndërkohë babai i Elton Hajrit, Ndriçim Hajri, është shfaqur shumë i indinuaj pas vendimit të gjykatës, duke thënë se djali i tij nuk ka qenë në resort.
“Unë dua të vërtetën. Djalin po ma mbajnë kot. Ska pa asigjo. Ai ka qenë tek shpia e tezës së vet. Padrejtësi! Të lutem deri dje kam pas besim, nuk di çfarë të them.”– u shpreh ai.
Avokati mbrojtës i njërit prej të dyshuarve, Elton Hajrit, Arbër Hoxha, tha se klienti i tij nuk kishte lidhje me ngjarjen, ndërsa tha se provat e paraqitura nga ana e prokurorisë janë të paplota.
Hoxha u shpreh se Prokuroria fliste për materiale filmike, por këto të fundit nuk u paraqitën në seancë.
“Në seancë nuk është shfaqur asnjë material filmik, dhe provat që iu dhanë gjykatës kanë qenë disa foto të stampuara”, u shpreh avokati.
Discussion about this post