Deklarata e mbrëmjes së djeshme të kreut të LSI-së Ilir Metës nuk ju ka pëlqyer së tepërmi socialistëve. Meta u shpreh se është e nevojshme për një qeveri besimi. “LSI deklaron se vendi ka nevojë për një qeveri të besimit për zgjedhje të gjithëpranuara nga të gjithë. Reforma zgjedhore është ende e papërmbushur. LSI vendos të vërë në dispozicion të gjitha mandatet politike, që nga mandatet e kryetart të Kuvendit, ministrave dhe mandateve politike. Lidhur me cështjen e koalicionit, LSI është e hapur të afirmojë për zgjedhjet e ardhshme me PS bazuar në arritje e deritanishme”, u shpreh Meta.
Pas mësymes që i bënë socialsitët facebook-ut të kryeministrit, ku i kërkonin shpjegime dhe informacion se çfarë do të ndodhë tani me Metën, në bazë, kanë nisur edhe përplasjet.
Pas këtyre FRESSH i Kavajës ka publikuar një video ku Luan Rama kërkonte votat për Elvis Roshin si dhe videon kur ai thotë se LSI ka qenë kundër kandidaturës së kryebashkiakut tashmë të shkarkuar nga kryeministri Rama. Ndërkohë në këtë video kishte edhe moment montazhi. Një irritim për të rinjtë socialistë të Kavajës kanë qenë edhe deklaratat e Luan Ramës ditën e djeshme, për zgjedhjet në Kavajë. Në këtë video Luan Ramës i publikojnë momentin kur mbështet dhe kërkon vota për Elvis Rroshin.
“Turpi i radhës. Por këtë herë s’ka “montazh” që e justifikon. Gënjeshtarë, të pa skrupullt, tadhëtarë të ndyrë. Po kush mundet të besojë te ju?!”, shkruhet në faqen e FRESSH të Kavajës. (J.V/Shuplaka)
Discussion about this post