Egla Bardhi gazetarja e njohur e shëndetësisë në Shqipëri, e cila ka bërë me qindra raportime e investigime për gjendjen ku ndodhemi është gjendur përballë një bllokimi total nga ministri i Shëndetësisë Ilir Beqaj.
Shpesh Bardhi ka denoncuar mënyrën si është trajtuar ajo dhe kolegë të saj dhe së fundmi ka deklaruar edhe se statuset e saj në profilin e saj në rrjetet sociale i shkojnë ministrit të printuara nga zëdhënësi Thanas Goga.
Por dje ministri Beqaj ka qenë i ftuar në emisionin ”Kapital” të Aleksandër Furrxhi.
”Ti ministër Ilir Beqaj jo vetëm që je me i korruptuari dhe hajduti në historinë e Shqipërisë, por je edhe frikacak.
Ti nuk guxon të dalesh dhe të bësh debat me gazetarët e shëndetësisë, por del përballë burrit te ministres Kumbaro, përballë gazetarëve të kronikës dhe ndonjë analisti që e paguan. Vetëm kështu të duket vetja i zgjuar. ”, shpërthen Bardhi, duke kritikuar formatin e emisionit të djeshëm.
”Duke qenë se ministri Beqaj ma ka ndaluar të komentoj në faqen e tij po e postoj në faqen time.”, shpjegon gazetarja pse e ka shkruar këtë kritikë në faqen e saj dhe jo te Ilir Beqaj.
Dhe sigurisht që Bardhi nuk harron të porositë zëdhënësin e Beqajt që ta printojë statusin duke thënë: ”Turp, turp, turp. A se harrova, printoje Thanas…” (V.G/SHUPLAKA)
Discussion about this post