Shpërthen Grida Duma: U krye vrasja e parë e votes se lirë!

Pas zgjedhjes së Gramoz Ruçit si kryetar i Kuvendit me 80 vota pro, ku thuhet se 2 janë nga PD ka reaguar Grida Duma.

Duma shprehet se PD nuk depozitoi asnjë emër që të kishte anëtar në komisionin e votimit dhe numërimit që të ruante votat, teksa thotë se kjo është bërë për një arsye.

“Grupi parlamentar i Partisë Demokratike vendosi me qëllim të qartë të lërë Partinë Socialiste të administronte numërimin dhe votimin; pikërisht për të vërtetuar deri ku shkon e keqja. U faktua! 

Sot u vodh dhe u manipulua edhe rezultati i sigurtë.

Mosmarrja pjesë e opozitës, Partisë Demokratike në komisionin e votimit u bë pikërisht për të faktuar se udhëheqësia me “Ruçë” do të jetë si në diktaturë, ku shkruheshin dëshmitë e rreme në dosjet që do të përcillnin vrasjet reale. 
Në seancën e parë të kësaj legjislature u krye vrasja e parë e votes se lirë!” Shkruan Duma.

(S.SH/Shuplaka)