11 persona kanë mbetur të vdekur dhe dhjetëra të tjerë janë plagosur si pasojë e shpërthimit të një makine-bombë në Irak. Shpërthimi mësohet se ndodhi në tregun kryesor të perimeve, Jumila, në rajonin e Shia Sadr.
Zëdhënësi i ministrisë së Brendshme, Saad Maan, ka bërë me dije se një roje sigurie qëlloi me armë një makinë të dyshimtë dhe më shoferi e shpërtheu atë.
Ende nuk ka informacione se kush fshihet pas këtij sulmi, por pas sulmeve të fundit, Shteti Islamik ka shfaqur pretendimin se synonte myslimanët shiitë në qytet. Kujtojmë se ISIS ndodhet nën presionin e ofensivës ushtarake irakiane në veri.
Forcat speciale të Irakut në bashkëpunim me aleatët e tyre të milicisë Shiite, po vijojnë luftimet për të përzënë terroristët e ISIS-it nga qyteti i Mosulit. (XH.A/SHUPLAKA)
Discussion about this post