Një shpërthim ka ndodhur në Greqi në makinën e ish-kryeministrit grek Papademos. Lucas Papademos dhe shoferi i tij mësohet se janë plagosur. Raportohet se ish-kryeministri grek nuk është në rrezik për jetën edhe pse ka marrë plagë të konsiderueshme.
Shpërthimi ka ndodhur në rrugën “Patission” në Athinë. Shpërthimi ka ndodhur teksa makina ishte në lëvizje
Bëhet me dije se Papademos ka hapur një zarf i cili më pas ka shpërthyer. Nuk dihet ende se çfarë pajisje shpërthyese është përdorur në atentatin ndaj Papademos.
Po ashtu mësohet se ish-kryeministri është plagosur më së shumti në duar, këmbë dhe bark. Nga mediat greke atentati po konsiderohet si sulm terrorist. Papademos ka qënë kryeministër i qeverisë teknike nga viti 2011-2012. (M.D/Shuplaka)
Discussion about this post