Pas deklaratës së ish kreut të LSI, Ilir Meta në konferencë për mediat, i cili e quajti Haki Çakon “Haki Droga”, rreth kësaj situate ka reaguar edhe Monika Kryemadhi.
Deputetja i ka ashpërsuar tonet ndaj Haki Çakos, duke theksuar se nuk i frikëson askush “as falangat e pushtetit policor”.
“Jam e bindur se do të jetë dita e mitingut më madhështor me mijëra të rinj, që besojnë te ne dhe tek alternativa jonë. Jam e sigurt se shumë prej tyre do të jenë votues për herë të parë dhe kjo na bën të ndihemi më krenarë se kurrë. Sepse kemi besimin e të rinjve, të atyre që do ta çojnë përpara këtë vend dhe që nuk i frikeson dot askush, as falangat e pushtetit policor, që drejtohen nga Haki Çako, por dhe as nga shefat e tij, të PS ose PD qofshin. Ndaj edhe njeherë ju ftoj të gjithëve të na bashkoheni në këtë festë të madhe, në ditën që do të shënojë ndryshimin e Shqipërisë dhe fitoren e alternativës tonë.”, shprehet Monika Kryemadhi. (J.V/Shuplaka)
Discussion about this post