Shpërthen në ecje një makinë pranë ISSH-së në Vlorë, i ishte vendosur eksploziv

Një shpërthim ka ndodhur në qytetin e Vlorës pranë  Fondit të Sigurimit të Detyrueshëm Shëndetësor, raporton “Fax News”.  Mësohet se shpërthimi ka ndodhur në një makinë teksa ishte në ecje pranë ISSH-së.

Kjo ngjarje ka ndodhur pasi  makinës që ishte në ecje në pjesën  e poshtme të saj i ishte vendosur një sasi eksplozivi.  Në vendngjarje ndodhen forca të shumta policore.

Automjeti që shpërtheu ishte tip “Jeep” me targa AA298SL. Mësohet se është lënduar një person, drejtuesi i mjetit. Ende nuk dihet se në çfarë gjendje shëndetësore është i lënduari. 

Po kush ishte i riu që mbeti i plagosur rëndë në këtë aksident: 

Ai është identifikuar si Ines Hajrulla, djali i një pronari lokali në Vlorë. Po nëse hulumton pak në lidhje me të shkuarën e tij mësohet se i riu rreth një viti më parë është arrestuar nga ana e Policisë së Vlorës nën akuzën e armëmbajtjes pa leje. 

Gjatë kontrolleve të ushtruara,policia i sekuestroi një armë zjarri tip “Pistoletë-Çeke”, e hedhur në tokë në një rrugicë pranë shkollës Industriale, të cilën dyshohet se e posedonte shtetasi i arrestuar më lart.

Po ashtu dyshohet se Hajrulla merrej dhe me afera droge, ndërsa atentati dyshohet të jetë bërë për larje hesapesh. 

 (J.V/Faxweb)

https://www.youtube.com/watch?v=ntwXJ1NiCTg