Merr flakë një automjet tip “Ford” i parkuar pranë kishës së Shën Gjergjit në Fier. Makina ishte e parkuar në oborrin e kishës kur ka shpërthyer në flakë.
Kanë qenë kalimtarë të rastit ata të cilët kanë njoftuar forcat zjarrfikëse.
Këta të fundit kanë mbërritur pranë vendit të ngjarjes ndërsa shuarja e zjarrit ka shmangur edhe djegien e një tjetër automjeti të parkuar pranë saj. Paraprakisht dyshohet që zjarri ka ardhur si pasojë e një defekti në pjesën e motorrit.
Pranë vendit të ngjarjes kanë mbërritur edhe uniformat blu.
