Sociologu Ergys Mërtiri, ka reaguar ditën e sotme pas votimit nga Kuvendi me vetëm votat e maxhorancës, të ligjit që i hap rrugë prishjes së Teatrit Kombëtar.
Me anë të një postimi në rrjetet sociale, Mërtiri ka shpërthyer ndaj të gjithë atyre që nuk morën pjesë në protestën e artistëve, ndërsa thotë se, kauza e teatrit është një moment kyç për t’i bërë barrierë shkatërrimit të vendit nga kryeministri Rama dhe qeveria e tij.
Ai shkruan: “Nese nuk e kuptoni qe kauza e teatrit eshte nje moment kyc, per ti bere barriere te gjithe shkaterrimit qe Edi Rama me 40 hajdutet e tij po i bejne ketij vendi, ne qafe e paci edhe per 45 vjet, si shokun Enver! Shprehja e sterperdorur se cdo popull ka qeverine qe meriton me duket se vjen si peshtyme per te gjithe ju qe nuk moret pjese ne kete proteste. Ju e meritoni Ramen dhe mire t’iu behet!”
Më tej ai bën thirrje për sensibilizim të qytetarëve për të mos lejuar shembjen e Teatrit Kombëtar.
“Per te gjithe ata qe kane nje dell dinjiteti e qytetarie me shume, beteja fillon tani. Une do jem cdo dite atje, sic edhe kam qene gjate gjithe kesaj kohe (me disa perjashtime te vogla) per te bere detyren time. Do jem atje te pakten edhe per te treguar qe une zgjedh te mos jem dele. Gjithsekush le te beje zgjedhjen e vet!”, – shkruan Mërtiri.
(B.B/ Faxweb.al)
Discussion about this post