Në malin Levotobi Laki-Laki në provincën Nusa Tenggara Lindore në Indonezi, një vullkan shpërtheu sot, duke hedhur një kolonë hiri mbi 10 kilometra të lartë, njoftoi Agjencia Vullkanologjike Indoneziane.
Disa shpërthime janë regjistruar në muajt e fundit, përfshirë një shpërthim në fillim të korrikut që hodhi hi vullkanik 18 kilometra të lartë, gjë që shkaktoi ndërprerje në trafikun ajror për në dhe nga ishulli i afërt i Balit, raporton Reuters.
Agjencia vullkanologjike i paralajmëroi njerëzit të qëndrojnë gjashtë deri në shtatë kilometra larg kraterit dhe të jenë të kujdesshëm për shkak të rrezikut të baltës në rast të reshjeve të dendura të shiut.
Fotot e publikuara nga agjencia tregojnë një skenë dramatike me bubullima vullkanike mbi vullkan dhe një kolonë hiri që reflekton lavën e kuqe që rrjedh poshtë shpatit të malit.
