Një shpërthim me eksploziv ka ndodhur në qytetin e Vlorës. Lënda shpërthyese ka qenë e vendosur në një automjet.
Ka qenë vetë pronarja e mjetit, Vejushe Dalipaj, ajo që ka dëgjuar shpërthimin pranë mjetit të saj dhe më pas ka njoftuar Policinë. në orët e para të mëngjesit të sotëm.
DETAJET:
Më datë 10.11.2017, rreth orës 05:20, Salla Operative Vlorë është njoftuar nga një telefonatë prej shtetases V.D., rreth 42 vjeçe se pranë automjetit të saj tip ”Mercedes Benz”, ka dëgjuar një zhurmë në formë shpërthimi.
Shërbimet Policore kanë shkuar menjëherë në vendngjarje dhe kanë konstatuar se: Mjeti tip ”Benz”, ka qënë i parkuar përpara banesës së shtetases në vendin e quajtur ”7Pallatet”, në lagjen “Uji i Ftohtë”, dhe se ka dëmtime në pjesën e përparme të tij. Dyshohet se dëmtimet në mjet të jenë si pasojë e një shpërthimi me lëndë eksplozive që mund t’i kenë vendosur. Grupi hetimor po punon për përcaktimin dhe zbardhjen e plotë të ngjarjes.
(E.K/faxweb)
