Një shpërthim me tritol ka ndodhur në Krujë orët e para të mëngjesit të sotëm. Lënda plasëse ishte vendosur në një kabinë elektrike, e cila i përkiste një gurore në Borizanë.
Mësohet se nga shpërthimi i tritolit, biznesi nuk ka pësuar dëme, por ama nuk shmanget mundësiaa që shkak për shpërthimin të jetë bërë konkurenca. Nga ana tjetër asgjë nuk është zyrtare deri në zbardhjen e plotë të ngjarjes pas hetimeve.
Sakaq, në vendngjarje kanë mbërritur uniformat blu, dhe nga hetimet paraprake ka rezultuar se pranë gurores është vendosur 200 gr lëndë plasëse e llojit tritol.
Nuk është hera e parë që tritoli përdoret për të dëmtuar biznese të ndryshme në vend, madje një periudhë kohe kjo u bë mjaft e frikshme saqë të shtynte të mendohej se tritoli tregtohej sheshit. (E.K/SHUPLAKA)
