Shpërthim i fuqishëm në Bulqizë në lagjen ‘Minatori’

Një shpërthim i fuqishëm ka ndodhur në Bulqizë në lagjen ‘Minatori’ mbrëmjen e sotme raporton ‘Fax News’.

Një makine të parkuar dyshohet se i është vendosur tritol. Ngjarja ka ndodhur në orën 21:41 minuta. Ende nuk dihet se në pronësi të kujt ishte mjeti, por policia po punon për zbardhjen e rrethanave të ngjarjes.

Fatmirësisht nga shpërthimi ka vetëm dëme materiale.

Informacion paraprak

“Rreth orës 21.40, në shesh parkimin e një lavazhi dyshohet se në pjesën e përparme të automjetit tip ‘Audi’, është vendosur lëndë plasëse, e cila ka shpërthyer duke e dëmtuar pjesërisht mjetin.

Si pasojë e shpërthimit nuk ka persona të lënduar, Automjeti është në  përdorim nga shtetasi T.T, banues në Bulqizë.

Grupi hetimor ndodhet në vendin e ngjarjes dhe po heton për zbardhjen dhe dokumentimin e plotë të rrethanave të ngjarjes, identifikimin dhe kapjen e autorit”,

(B.H/Faxweb)