Shpërthim i fuqishëm në një fabrikë raketash në Turqi, 5 të vdekur deri tani

Të paktën pesë punëtorë vdiqën të shtunën në një shpërthim në një fabrikë raketash dhe eksplozivësh në kryeqytetin e Turqisë, Ankara, sipas Ministrisë së Mbrojtjes Kombëtare të vendit.

“Një shpërthim ndodhi në fabrikën e raketave dhe eksplozivëve MKE në lagjen Elmadag të Ankarasë. Si rezultat i shpërthimit, pesë nga punëtorët tanë kanë mbetur të vdekur,” tha ministria në një deklaratë.

Ai shtoi se hetimet gjyqësore dhe administrative kanë nisur për ngjarjen.

Objekti ku ndodhi shpërthimi herët në mëngjes është në pronësi të Korporatës së Makinerisë dhe Industrisë Kimike të Turqisë (MKE).

Prefekti i Ankarasë Vasil Sahin tha se nga të dhënat paraprake dyshohet për një reaksion kimik, i cili ka shkaktuar shpërthimin në zonën ku prodhohej dinamiti.

“Ngjarja ndodhi në orën 08:45 dhe ka të dhëna që pati një reaksion kimik në zonën ku prodhohet dinamiti. Në këtë fabrikë prodhohen lëndë eksplozive si edhe raketa, ku bëhen edhe disa teste”, tha ai.

🔴 Ankara'nın Elmadağ ilçesinde bulunan MKE roket ve patlayıcı madde fabrikasında patlama sesinin ardından dumanlar yükseldi.

▪️Fabrikaya itfaiye ve ambulans sevk edildi. pic.twitter.com/2MEevb5nEo

— Conflict (@ConflictTR) June 10, 2023