Një shpërthim i fortë është shënuar ditën e sotme përpara një gjykate në qytetin turk të Izmirit. Nga të dhënat e deritanishme mësohet se kanë humbur jetën 4 persona dhe janë plagosur 10 të tjerë.
Midis viktimave bëjnë pjesë një polic dhe një përmbarues, gjithashtu janë vrarë edhe dy terroristët. Është shpallur në kërkim një i tretë.
Nga informacionet paraprake, mësohet se pas shpërthimit janë dëgjuar edhe të shtëna armësh ku u vranë dy terroristët. “CNN Turk” bën me dije se në vendngjarje është gjetur dhe një pako e dyshimtë. Flitet për një të dyshuar, rreth 1.65-1.70 metra i gjatë, me pallto të zezë dhe beretë të bardhë, i cili po kërkohet nga policia.
Fotografitë e bëra nga një ndërtesë pranë vendngjarjes shfaqin një automjet të përfshirë nga flakët pranë gjykatës në Izmir. Policia dhe autoambulanca kanë shkuar menjëherë në vendngjarje.
Ky shpërthim pason një seri sulmesh anembanë Turqisë, me autorë Shtetin Islamik ose grupet ekstremiste kurde. (XH.A/SHUPLAKA)
[ngg_images source=”galleries” container_ids=”581″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
