Një shpërthim i fuqishëm ka ndodhur gjatë orëve të para të mëngjesit në një biznes në zonën e “21 Dhjetorit” në kryeqytet.
Një fast food dhe kreperi në një nga zonat më të populluara të kryeqytetit ka rënë pre e këtij sulmi.
Nuk dihen ende shkaqet e këtij shpërthimi dhe me çfarë është kryer ai po dëmet materiale duket të jenë të shumta, raporton “Shuplaka”.
Ndërkaq paraprakisht mësohet se nga shpërthimi ka pasur dëme materiale dhe në banesat e tjera të katit të parë pasi shpërthimi ka qenë mjaft i fuqishëm.
Forcat e policisë ndodhen ende në vendngjarje dhe kanë rrethuar zonën përrreth shpërthimit. Duhet thënë se biznesi është i vendosur në katin e parë të një pallati dhe paniku te banorët ka qenë mjaft i madh.
Vetëm dy ditë më parë një tjetër shpërthim ndodhi pranë një lokali në zonën e Komunës së Parisit. Duket se eksplozivi pas një periudhe pushimesh u rikthye prapë në “modë”.
NJOFTIMI I POLICISË:
Tiranë
Paraprake
Më datë 08.07.2017, rreth orës 04:20, në numrin e emergjencave civile 112, ka ardhur njoftim për shpërthim përball inxhinieria së ndërtimit.
Menjëherë në vendin e ngjarjes janë nisur Shërbimet e Policisë të cilët kanë konstatuar një dyqan ushqimi të shpejt i cili ishte i dëmtuar.
Nga hetimet paraprake rezulton se shpërthimi ka ndodhur si pasojë e një rrjedhje të një impianti gazi, në kuzhinën e këtij fast food.
Grupi hetimor po punon për saktësimin dhe dokumentumin e ngjarjes.
(E.K/SHUPLAKA)
Discussion about this post