Shpërthim me bombë në tualetin e grave në Kolumbi, 3 viktima dhe 11 të plagosur, dyshohet për sulm terrorist

Tre gra janë vrarë në kryeqytetin kolumbian nga një shpërthin në Bogota dhe sipas autoriteteve dyshohet për një sulm terrorist.

Sipas mediave lokale shpërthimi ndodhi në një qendër tregtare të tejmbushur “Zona Rosa”, ku mbetën të plagosur edhe 11 persona të tjerë.

Shpërthimi u shkaktua nga një bombë e vogël  e cila ishte e vendosur në një tualet për gratë, në këtë qendër tregtare.  Kryebashkiaku i Bogotas Enrique Penalosa tha se një nga ata që vdiq ishte nga Franca.

Një grua 23-vjeçare franceze, Julie Huynh, e cila kishte punuar si vullnetare në një shkollë në jug të qytetit ishte viktima e parë që u identifikua.

Ndërsa Ana María Gutiérrez, 27 vjeç dhe Lady Paola Jaimes Ovalle, 31 vjeç, u dërguan në spital, por më vonë u shpallën të vdekura. (J.V/Shuplaka)