Tjetër ngjarje e rëndë ka tronditur Vlorën orët e para të mëngjesit të sotëm. Një sasi eksplozivi ka shpërthyer gjatë natës në qytetin bregdetar.
Zyrtarisht policia bën me dije se lënda plasëse është vendosur në derën e një banese në lagjen “Lirimi” rreth orës 03:25.
Banesa është në pronësi të 57-vjeçari me iniciale R.M. Nga shpërthimi nuk ka persona të lënduar, por vetëm dëme materiale. Në momentin e ndodhjes së ngjarjes, nuk ka patur njeri në banesë.
Kësaj banese që ju vendos tritol gjatë natës, i është vendosur eksploziv edhe përpara disa ditësh. Grupi hetimor ka mbledhur prova në vendngjarje dhe po punon për identifikimin e autorëve dhe zbardhjen e shkaqeve. (E.K/SHUPLAKA)
