Shpërthim me lëndë plasëse në një lokal në Tiranë, dyshimet e para të policisë

Një shpërthim me lëndë plasëse ka ndodhur në afërsi të një lokali rreth orës 03:40 të mëngjesit në zonën e Stacioni i Trenit në Tiranë.

Lokali është në pronësi të shtetasit me iniciale P.F, ndërsa mësohet se ka patur vetëm dëme materiale.

Njoftimi zyrtar: 

Më datë 01.12.2019, rreth orës 03:40, në Bulevardin Zog i Parë, në afërsi të lokalit me pronësi të shtetasit P.F, ka shpërthyer një sasi e vogël lënde e dyshuar plasëse, ku në momentin e shpërthimit nuk ka pasur pasoja në njerëz por veç dëme materiale.

Grupi hetimor po vijon punën për zbardhjen e rrethaneve të ngjarjes, identifikimin dhe kapjen e autorit.

(K.H/Faxweb.al)