Shpërthim me tritol restorantit, policia fsheh ngjarjen (Detaje+Emri)

Një shpërthim tritoli ka ndodhur mbrëmjen e djeshme në restorantin “Oda e Hasanbeut” në Tepelenë.

Restoranti ndodhet në hyrje të autostradës Levan Tepelenë dhe i përket shtetasit Shpëtim Hasanbegaj, raporton Faxweb.al.

Nga shpërthimi nuk raportohet për të lënduar por vetëm për dëme materiale. Burime bëjnë me dije se në momentin e shpërthimit në lokal nuk ka patur njeri.Ndërkaq këtë ngjarje policia nuk e ka bërë publike, duke mos dhënë asnjë detaj.

Policia është duke hetuar për një pistë të mundshme konfliktesh të pronarit të lokalit, Shpëtim Hasanbegaj me persona të tjerë.