Disa çaste para fillimit të takimit kundër Monacos, nga Gjermania vjen lajmi se pranë autobuzit të Borussia Dortmund ka ndodhur një shpërthim dhe si pasojë është lënduar mbrojtësi Marc Bartra.
Ndërsa ekipi gjerman po udhëtonte drejt stadiumit, një shpërthim ka ndodhur në autobus, nga i cili është plagosur Mark Bartra i cili është dërguar në spital.
Sipas burimeve të para, eksplozivi është vendosur në rrugë dhe ka shpërthyer kur po kalonte autobusi, rreth 10 kilometra larg stadiumit.
Si rrjedhojë ndeshja rrezikon të shtyhet për shkak të frikës së ndonjë sulmi terrorist, raporton “The Guardian”.
Takimi ishte i vlefshëm për fazën çerekfinale të “Uefa Champions League” dhe pritej të fillonte në 20:45. (M.D/ Shuplaka)
