Shpërthim në panairin e ushqimit, 1 i vdekur dhe 14 të plagosur

Policia gjermane tha se një grua ka vdekur nga djegiet, ndërsa 14 persona u plagosën në një shpërthim në një festival ushqimi në një fshat në Gjermaninë perëndimore.

Pesë persona të tjerë janë në rrezik jete, katër prej tyre janë me djegie të rrezikshme për jetën dhe një ka pësuar sulm në zemër.

Policia është ende duke hetuar shkakun e shpërthimit në festivalin Freudenberg.

Sipas agjencisë DPA, duket se vaji nga tigani i madh shkaktoi një shpërthim në një lokal ‘Bakes fest’ ku morën pjesë rreth 150 persona.

‘Bakes fest’ është një festë vjetor i fillimit të furrës tradicionale të vjetër në fshat.