Një shpërthim i rëndë ka ndodhur pasditen e sotme një repart ushtarak në ‘’Porto Romano’’ në Durrës. Si pasojë e këtij shpërthimi kanë mbetur të plagosur dy ushtarë të cilët kryenin shërbimin roje.
Ngjarja raportohet të ketë qenë aksidentale dhe lënda që ka shpërthyer ka qenë barut. Ende nuk dihet identiteti i të plagosurve dhe gjendja e tyre, po ata janë transportuar drejt spitalit.
Ushtarët kanë qenë duke pastruar oborrin në momentin që ka shpërthyer baruti i nxitur dhe nga vënia e flakëve shkurreve aty përrreth.
Duhet thënë se nuk kanë qenë të pakta incidentet e tilla në vendin tonë pasi sasia e lëndëve eksplozive në qarkullim është e madhe. Ministria e Mbrojtjes ka dërguar grupet për qartësimin e situatës pas shpërthimit.
“Nga komunikimi i fundit me mjekët, gjendja shëndetësore e të lënduarve paraqitet e qëndrueshme dhe mund të largohen nga spitali pasi kanë pësuar vetëm djegie të lehta”, thuhet në njoftimin e Shtabit të FA. (E.K/SHUPLAKA)
