Në Shijak është vendosur tritol në derën e një magazine dhe ka shpërthyer një sasi e vogël. Për pasojë, janë shkaktuar dëme të vogla materiale tek dera e dhomës frigoriferike.
Kjo magazinë është në pronësi të mjekut stomatolog Arlind Lala nga Shijaku. Kujtojmë që është hera e dytë që i vendoset eksploziv mjekut Lala, pasi më parë i është vendosur eksploziv në klinikë. Akti kriminal erdhi pas protestës kundër inceneratorit në Shijak.
DETAJE:
Më datë 15.09.2017, rreth orës 22:55, në Shijak, në afërsi të derës së magazinave të marra me qira nga shteatsi A. L. 33 vjeç banues në Shijak, e cila përpunon mbetje spitalore është hedhur dhe ka shpërthyer një sasi e vogël lënde plasëse.
Për pasojë, janë shkaktuar dëme të vogla materiale tek dera e dhomës frigoriferike. Në cilësinë e provës materiale u sekuestrua një copë fitil zjarr- përcjellës. Po punohet për identifikimin dhe kapjen e autorëve. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale” Shkatërrimi i pronës me eksploziv” parashikuar në nenin 152 të Kodit Penal.
