Kryeprokurori Adriatik Llalla ka deklaruar në emisinin “Opinion” të Blendi Fevziut se është shantazhuar vazhdimisht nga ambasadori i SHBA-së, Donald Lu, dhe një biznesmen shqiptar i karburanteve të naftës.
“Pikënisja e debateve të mia me Lu ka të bëjë me shpërthimet në puset e naftës në Patos të Marinzës, rast për të cilën Prokuroria nisi hetimet ndaj kompanisë “Bankers”. Një biznesmen shqiptar karburantesh , më erdhi në zyrë dhe më tha që janë raste aksidentale dhe s’ka nevojë të hetimet të vijonin.Nëse unë nuk do bija dakort, të nesërmen do më vinte në zyrë ambasadori i SHBA. Çuditërisht Lu kërkon takim me mua mëngjesin e nesërm, për të cilën mendoja se ishte për një ngjarje e paprtitur, por më ngriti të njëjtin shqetësim si biznesmeni për arsye se ngjarja ishte aksidentale, sepse dëmtohej imazhi i Shqipërisë, çka do detyronte biznesmenët e huaj të largohen nga vendi. Lu insistonte vazhdimisht duke më bërë presion për të mbyllur hetimet. Ai është ambassador i SHBA-së, por biznesi ishte kanadez dhe nuk kishte të drejtë të ndërhynte.”, tha Llalla.