Grupi militant kurd TAK ka marrë përsipër sulmet e shënuara së fundmi në Stamboll, ku mbetën të vdekur 38 persona dhe u plagosën dhjetëra të tjerë. Fillimisht, një makinë me lëndë eksplozive goditi makinën e policisë dhe më pas një kamikaz hodhi veten në erë pranë “Vodafone Arene”.
Grupi kurd TAK është pjesë e PPK-së (Partisë së Punëtorëve të Kurdistanit). Në fjalën e tij pas sulmit të rëndë, presidenti i Turqisë, Recep Tayyip Erdogan, deklaroi se Turqia do të luftojë deri në fund “mallkimin e terrorizmit”.
Një seri sulmesh janë shënuar në Turqi përgjatë këtij viti, të cilat kanë si përgjegjës ISIS, PPK, pa harruar këtu grushtin e shtetit.
