Është identifikuar personi që humbur jetën mbrëmjen e djeshme si pasojë e një shpërthimi të fuqishëm në Portin e Sarandës. Viktima është Armandi Nelaj, 52-vjeç, banues në Sarandë. Nelaj ishte biznesmen prej 13 vitesh dhe zotëronte një kompani të mjeteve të rënda të ndërtimit.
Policia e Sarandës po heton intensivisht për ngjarjen, teksa është ngritur një grup hetimor i drejtuar nga Prokuroria e Sarandës. Hetimet janë shtrirë në disa drejtime, ndërsa ditën e sotme janë ngritur dyshime se shpërthimi mund të jetë shkaktuar nga eksploziv. Polumbarët kanë gjetur sot në thellësinë e detit pranë vendit të ngjarjes copa metalike qe dyshohet se i përkasin mjetit lundrues në të cilin dyshohet se ndodhej viktima, megjithatë nuk është arritur të saktësohet se për çfarë mjeti bëhet fjalë.
Discussion about this post