Dy shpërthime të fuqishme janë dëgjuar mbrëmjen e kaluar në autostradën Lezhë-Laç, në vendin e njohur si “Kryqëzimi i Shënkollit” nga ku më pas, janë parë flakë të dendura që kanë përfshirë një pikë karburanti.
Fax News ka mësuar detaje të reja nga shpërthimi me 6 persona të plagosur mbrëmjen e kaluar në Lezhë. Njëri nga punonjësit e barit, dëshmitar që pa shpërthimin ka treguar për Fax News se si ndodhi ngjarja.
“Fillimisht ka shpërthyer depozita, më pas ka marrë flakë automjeti me gaz ku ka ndodh edhe shpërthimi i dytë. Shkak sipas tij ka qenë një luhatje e energjisë elektrike. Të plagosur janë dërguar dy punonjës të karburantit në Tiranë, të cilët kanë marrë edhe dëmtime të shumta, por janë jashtë rrezikut për jetën. 4 persona të tjerë kanë marrë lëndime të lehta dhe janë në spitalin e Lezhës.”- u shpreh dëshmitari.
Sipas burimeve për Fax News shpërthimi i depozites se gazit ka ndodhur 100 m larg karburantit dhe barit në kryqëzimin e Shënkollit.
(M.Q/Faxweb.al)
