Policia ka dhënë detaje një lidhje me shpërthimin e ndodhur mbrëmjen e sotme në Bulqizë, në lagjen ‘Minatori’, ku një automjeti i është vënë lëndë plasëse.
Sipas policisë makina tip ‘Audi’ që ka shpërthyer ishte në përdorim të shtetasit T.T, banues në Bulqizë. Si pasojë e shpërthimit nuk ka persona të lënduar.
Informacion paraprak
“Rreth orës 21.40, në shesh parkimin e një lavazhi dyshohet se në pjesën e përparme të automjetit tip ‘Audi’, është vendosur lëndë plasëse, e cila ka shpërthyer duke e dëmtuar pjesërisht mjetin.
Si pasojë e shpërthimit nuk ka persona të lënduar. Automjeti është në përdorim nga shtetasi T.T, banues në Bulqizë.
Grupi hetimor ndodhet në vendin e ngjarjes dhe po heton për zbardhjen dhe dokumentimin e plotë të rrethanave të ngjarjes, identifikimin dhe kapjen e autorit”.
(M.Q/Faxweb)
