Detaje të reja janë bërë me dije nga shpërthimi me tritol i shënuar rreth orës katër të mëngjesit të sotëm në Pogradec. Një mjet “Citroen” i parkuar në lagjen nr. 2 të qytetit u përfshi nga flakët.
Janë identifikuar pronarët e mjetit, shënjestër e shpërthimit me eksploziv. Burime të Policisë së Korçës kanë bërë me dije për “Shuplaka” se ata janë Piro dhe Besmira Niko.
Si pasojë e shpërthimit me eksploziv, u thyen xhamat e disa prej banesave pranë, çka ka tmerruar banorët. Në dëshmitë e tyre, ata janë shprehur se zhurma e fortë shkaktuar nga shpërthimi e thyerja e xhamave i ka zgjuar nga gjumi. Sipas tyre, pjesa e përparme e automjetit është bërë copa copa, çka ngre dyshimet se sasia e tritolit ishte vendosur përpara.
“Shpërthimi rreth orës 03:30 , shpërthim i fuqishëm u tmerruam. Na janë thyer xhamat dhe dyert! U ngritëm të tmerruar nga gjumi, dolem jashtë dhe pamë automjetin e ndarë në disa pjesë dhe të përfshirë nga flakët. Personat që kanë automjetin janë familjarë të rregullt. Ndihemi të rrezikuar!”, kanë rrëfyer ata.
(XH.A/SHUPLAKA)
[ngg_images source=”galleries” container_ids=”1472″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
