Një tjetër shpërthim ka ndodhur mbrëmjen e djeshme në qytetin e Burrelit, ku rreth orës 20:49 ka shpërthyer një magazinë mielli. Ngjarja ka ndodhur te vendi i quajtur “Kryqëzimi i Koliqit”.
Magazina e miellit ishte në pronësi të biznesmenit Mexhit Sinai, i cili për fatin e tij të mirë nuk ndodhej në magazinë. Sina ka mbajtur më herët edhe postin e nënkryetarit të Bashkisë së Burrelit, si përfaqësues i Partisë Socialiste.
Policia bën me dije se shpërthimi ka qënë i qëllimshëm, pasi zbuluan një sasi tritoli.
Për fat të mirë nga kjo ngjarje nuk ka të lënduar por vetëm dëme materiale. Është dëmtuar pjesërisht grila prej llamarine e derës që hyn në magazine, si edhe një pjesë e murit në krah të derës.
Ndërkohë që nga dëshmitë e banorëve të pallateve përreth shpërthimi ka qenë shumë i fortë.
‘’Ishte një goditje shumë e fuqishme, edhe zhamat e dritareve mund të jenë thyer. Ka ndodhur fiks në orën tetë e gjysmë në 20 e 30’’, ka thënë dëshmitari. (E.K/SHUPLAKA)
Discussion about this post